دايم لكل شي بداية
و غالبا البداية تكون صعبة ..
خصوصاً لو ما عندك خبرة و تجارب سابقة في الأمر اللي انت مقدم علية،،
راح تحس بالارتباك و التذبذب
و محاولتك الظهور بأفضل صورة ممكن تمنعك من فعل أي شيء !!
ليش أقول ها الكلام ..
من يوم افتتاح المدونة و أنا خايفة ،،
ايه خايفة
ماعندي كلام اقولة و لي ٤ أيام أحوس مو لاقية موضوع يصلح كبداية لمدونتي
خصوصاً في ظل الظروف الراهنة [ القصف الاسرائيلي الغاشم على قطاع غزة ] ،،
شكيت حيرتي للبعض ،، و قالوا لي هيا كذا البداية يا ندوو .. بعد كذا بتتعبين و بتتعبين العالم من كثر المواضيع
منجد اتمني ،،
اقترح لي أحدهم أن ابدأ بالكتابة حول عدم قدرتي على البداية ف التدوين
أو مشاعري حول التدوين ،،
عجبني الكلام ، و حسيتة مدخل جميل اني اشارك زوار مدونتي و أصدقائي أفكاري في أي أمر
و قررت إن البداية تكون مطلع العام الميلادي الجديد
١/١/٢٠٠٩ م
مو عشان شي
أولا لانه يوم خميس
أي بعد اسبوع من افتتاحي الرسمي للمدونة ،،
ثانياً لانه يوافق يوم ميلادي بالهجري
أي
اليوم الرابع من شهر محرم
[ ما كأني توي محتفلة فية بالميلادي ]
>>> غاوية إحتفالات 
المدونة هذي بالنسبة لي حياة جديدة ،، و مرحلة أطمح فيها للتغيير للأفضل
يارب أقدر أوصل لشي جداً حلو بمساندة اخواتي و اخواني المدونين و جميع من يهمه أمري
أتمنى اني أكون وفقت في بدايتي
طيب الان أحب أسأل سؤال للي جرب فيكم التدوين ،، كيف كانت بدايتكم ؟؟
خلوني أستفيد من ملاحظاتكم و اقتراحاتكم
بانتظاركم
و كل عام و انتم بخير
باسبور ..